Fáilte go hArdScéal (AmpliStory)
Le níos mó ná ceithre bliana déag de thaithí, tuigim cé chomh deacair ‘s atá sé aird an chustaiméara a tharraingt i margaí plódaithe, iomaíocha an lae inniu – go háirithe agus comhlachtaí ag feidhmiú laistigh de theorainn ama agus acmhainní.
Is de dheasca na faidhbe sin a thosaigh mé ArdScéal, le cabhair a thabhairt do cheannasaithe agus do fhoirne margaíochta uaillmhianacha a straitéis a shoiléiriú, teachtaireachtaí láidre a fhorbairt agus a gcuid muiníne a ardú.
Faigheann ArdScéal tacaíocht ó Údarás na Gaeltachta.
.png "Ard Scéal (AmpliStory)")
.png "AmpliStory Services")
Céard a dhéanaim?
Is mise do pháirtnéir margaíochta. Is iad seo a leanas mo chuid sainscileanna:
- Rudaí deacra a dhéanamh níos soiléire: Iidir do phríomhtheachtaireacht a chur in iúl agus do straitéis a shoiléiriú, oibrím leat le nasc leanúnach a chruthú le do chustaiméirí.
- Torthaí a chothú: ó d’áit sa mhargadh a dhaingniú go feachtais níos fearr a reáchtáil, tá gach céim sa phróiseas dírithe ar dhul chun cinn intomhaiste na heagraíochta.
- Ag laghdú an brú atá ort: Níl ort aon duine a fhostú go lánaimseartha - tabharfaidh mé mo shaineolas liom, agus is féidir leat díriú ar d’obair féin.
Tógaim am ag dul i dtaithí ar do ghnó, do chustaiméirí agus d’aidhmeanna. Cruthóimid plean indéanta le chéile, a thabharfaidh treoir agus tacaíocht don fhoireann le torthaí a bhaint amach ar bhealach eagraithe agus tomhaiste.
Mo Thaithí
Lonnaithe i nGaillimh, Éire, tá taithí agam ag obair le comhlachtaí ag plé le bogearraí mar sheirbhís, lóistíocht, cúram sláinte, miondíol, agus go leor eile.
Thar na blianta, chuidigh mé le foirne a dteachtaireachtaí a shoiléiriú, straitéisí fáis a fhorbairt agus táirgí a sheoladh go héifeachtach.
Ní ionann margaíocht iontach agus feachtais iomarcacha nó dordfhocail tharraingteacha. Díríonn margaíocht láidir ar shoiléireacht, ar chomhsheasmhacht agus ar chumas na rudaí simplí a dhéanamh ar shárchaighdeán.
Cabhróidh mé le...
- Straitéis: Ag cur pleananna soiléire, gníomacha le chéile le fás suntasach a éascú.
- Teachtaireachtaí Branda: Ag cruthú scéalta a rachaidh i bhfeidhm ar do chustaiméirí.
- Taighde Margaidh: ag aimsiú léargais chun cinntí níos ciallmhaire a dhéanamh.
- Margaíocht Dhigiteach: ag treisiú infheictheachta agus na custaiméirí cearta a mhealladh.
- Barrfheabhsú ar an Suíomh Gréasáin: ag feabhsú comhshóiteachta an chomhlachta agus eispéireas an úsáideora.
- Margaíocht Ábhair: ag cruthú ábhair a mheallann aird agus a chruthaíonn nascanna agus féidearthachtaí.
- Bainistíocht Tionscadail: tionscnaimh mhargaíochta a stiúradh ó thús deireadh.
- Ceannasaíocht Foirne: treoir agus meantóireacht a sholáthar le cinntiú go bhfuil foirne in ann a spriocanna a bhaint amach.
